早前，亞Mark曾經同大家透露過，話部Smart會好快正式登陸香港；而當上星期五亞Mark放完假，從外地返港便收到消息，話嚟緊嘅星期五（11月8日），Smart嘅代理商會響金鐘太古廣場一連三日舉行Smart首展，除咗有全線硬頂及開篷Smart跟車迷見面之外，重會展出一系列嘅Smart服飾同精品㖭！屆時重會有一班好Smart嘅年輕講解人員從旁協助㗎！至於一眾本地汽車傳媒，當晚重有機會到位於薄扶林嘅數碼港，參與Smart嘅汽車時裝晚會，而首次在港建成嘅SmartTower（即係用多部Smart搭成幾層樓高嘅塔台，四周圍上玻璃幕牆嗰款呀），重會跟香港市民見面㖭！然而，Smart位於銅鑼灣嘅陳列室，據知響11月內會擇日開張；唔理你係咪Smart嘅Fans，咁新意念集汽車同潮流Fashion於一身嘅Showroom，記得到時去參觀一下喇！