本港最大僱主之一、有員工逾萬的電訊盈科，噚日搞員工同樂日，八方當然要去湊熱鬧。不過，上午八點幾去到深水埗運動場，公關姐姐話係員工聚會，不歡迎記者。結果同一眾行家等到大概十二點終於見「小小超」李澤楷到場。佢見到大家苦候多時，叫公關放大家入場。
現場氣氛好熱鬧，電盈兩名新高層，營運總監麥柏喬及電盈基建主席李智康也有到，反而老臣子如副主席張永霖及袁天凡等就冇出現。據稱，全日到場的電盈員工逾九千名，參加比賽的則逾一千名。
小小超去年冇出席呢個員工同樂日，跟着就來一招大裁員，因此有電盈員工說笑，話今年見到小小超，相信不會再有大裁員。
（圖）小小超手抱可愛BB女，笑都笑得開心啲。
傳真︰2623-9278
電郵︰