日本電影《情書》中兩個主角因為同名同姓而發生一段淒美嘅愛情故事，現實生活裏都有好多人同一個名。八方近日睇到一個網站，由學生講最多同學仔叫乜名，男同學原來最多人叫「志偉」，其次係「浩然」，第三係「凱民」，都係啲大路名字。女同學就特別啲，最多係「皓琳」，「祈祈」、「嘉欣」次之。
唔怕生壞命，最怕改壞名，如果改咗一個碰口碰面「周街」有人用嘅名字，人哋唔悶，自己都悶，個網站原來同時搞咗個同學花名選舉，最多同學俾人改嘅花名係「烏蠅」、「企鵝」，唔知係咪香港好多學生都係污糟邋遢，同埋成日俾人罰企呢？
傳真︰2623-9278
電郵︰