Twins昨日與三百多名小朋友到香港國際機場，乘搭飛機暢遊香港上空。雖然蔡卓妍抱病出席，在機上有作嘔感覺，但仍與小朋友玩得很開心。
英皇二人女子組合Twins，昨日早上到香港國際機場，參加由日本航空公司主辦的「空中暢遊」活動。她們與三百多名小朋友一起乘搭珍寶客機，暢遊香港上空約半小時，二人於機上除空中獻唱外，還與一班小朋友大玩問答遊戲。
蔡卓妍（阿Sa）由於抱病在身，故她有時會坐下休息，但當一班小朋友圍着她索取簽名和合照時，阿Sa即時面露笑容。活動後阿Sa說：「我今朝喺屋企嘔完好辛苦呀，頭先喺飛機上面都好想嘔，加上啲肌肉又好痛，我上廣州做蓋印會都冇亂食嘢。」
Twins二人完成暢遊活動後，還要立即為無綫拍攝節目巡禮宣傳片段，鍾欣桐（阿嬌）撒嬌說：「我哋一陣重要着泳衣，我就最怕凍㖭，咁多日唔凍今日先凍，一陣真係唔想落水呀。」阿Sa亦說：「係囉，咁多日唔病今日先病。」
此外，有傳因《東周刊》刊登裸照，有人在網上呼籲罷買英皇旗下歌手的唱片，對此阿Sa說：「兩樣嘢係獨立嘅，雜誌還雜誌，唱片公司還唱片公司，完全冇掛鈎嘅，咁樣對我哋好唔公平。」