雖然今屆（第36屆）日本東京車展，係以商用車為主題，但會場內仍有其他車款展出，當中包括有不少適合傷殘人士使用嘅車輛，當中呢部以新版萬事得Demio（即Mazda2），作藍本嘅Demio-i樣辦車，就係其中一個好例子。
呢款以新版Demio作藍本嘅Demio-i，喺外表上沒有作出多大改動，依舊保留有原來既圓渾又吸引嘅造型，當輪椅不在車上時，可依舊載乘五名乘客，就算輪椅乘客在車上時，亦可接載共三名乘客；而輪椅更係專為Demio-i而設計，備有頭枕之餘重有三點式安全帶，務求令坐在輪椅上嘅乘客，可有更舒適及安全嘅乘車環境，當然唔少得重有斜板方便上落啦！另外，車上又設有咪高峯及攝錄鏡頭，以方便司機及乘客通話㖭！