劉嘉玲昨日出席演藝界譴責《東周刊》的集會，表現勇敢，一班圈中人亦紛紛對她表示支持和鼓勵。
劉鑾雄 ：劉嘉玲好勇敢，我鼎力支持佢。周刊老闆楊生話親手殺死自己個仔，聽落好似好大義滅親，我都爭啲俾佢感動到想滴兩滴馬尿，但停刊幾耐佢亦冇正式交代。
郭富城 ：我好支持演藝人呢個大集會，亦欣賞劉嘉玲嘅一番說話，佢好堅強。
劉德華 ：嘉玲出現集會，不但令大家覺得佢堅強，重令社會出現一道曙光同新希望，佢今日嘅勇敢係大家一個學習借鏡。世上係有真理，人與人之間係有溫情，只要拿出勇氣，冇一個傷口係唔可以愈合嘅。
王菲 （透過經理人陳家瑛發言）：作為朋友，我好支持嘉玲，亦打過電話安慰佢，今次嘉玲企上台，真係好勇敢。