上個月啱啱攞咗大紫荊嘅方心讓爵士最近出自傳，將佢近八十年嚟嘅人生經歷記錄落嚟畀後人，書名叫《復康──生的使命》。聽落幾似本哲學書，但其實裏面好多精采古仔。
睇到本書嘅封面設計，八方先發覺，方老先生後生嗰陣原來幾靚仔，重有啲粵語片時代嘅明星相㖭！而封底嗰張喺禮賓府接受特首頒授大紫荊嘅相，又可以話紀錄咗方老先生一生嘅最高榮譽，設計幾有心思。
楊鐵樑大法官特別為本書寫序言，佢大讚方老先生「不但具有政治家的謀略，還兼備籌募善款的稟賦」；而令人驚歎嘅係，方爵士除咗對賽馬具有精闢獨到嘅眼光外，亦係一個講故事天才。係咪咁犀利？睇過先知。本書呢個星期三就喺港大發布面世，推介嘉賓當然唔少得方心讓嘅姪女，即係陳方安生啦。
傳真︰2623-9278
電郵︰