八方講完皇仁仔幾乎全面退出政府決策層，隨即喺立法會見到一位資深嘅皇仁仔──司徒華。四九年入學、五一年畢業嘅華叔讀書時有乜趣事？佢一本正經咁話自己好少曳，成日唔出聲，所以冇乜趣事。八方點會信吖，於是撬開佢把口，迫佢道出當年同書友仔一齊去睇女仔嘅經歷。
當時皇仁校址重喺堅尼地道，華叔見班同學次次放小息都撐上麥當奴道，有次忍唔住問點解，啲同學答得妙：「去吸新鮮空氣囉！」
於是純情嘅華叔又跟埋去，行到身水身汗，上到斜路頂，見到同學只顧望聖保羅男女校嘅女仔，大呼上當，以後再冇去。華叔咁專心讀書，中文考過全班第一，但係啲老師好少理。
另外，華叔因為一早答應咗去葛師校友會嘅活動，所以今晚去唔到皇仁慶祝一百四十周年嘅聚會。
（圖）半個世紀後再次打皇仁校呔，華叔話只有顏色唔同咗。
傳真︰2623-9278
電郵︰