楊受成昨日發表聲明，稱現時身處海外，對於旗下刊物《東周刊》以某女星多年前被強行拍下的裸照作封面，感到震怒和羞愧，並要求《東周刊》立即停刊，不過陳百祥昨日認為周刊負責人推卸責任，他說：「嗰個人習慣推卸責任，你哋唔好放過呢個人。」
日前《東周刊》以某女星早年被強行拍下的裸照作為封面，即時引起全港各界團體強烈譴責，身為英皇集團及《東周刊》老闆的楊受成，昨日發表聲明，表示對事件震怒和羞愧，並要求《東周刊》立即停刊，及馬上採取善後措施。
譚詠麟（阿倫）及陳百祥（阿叻）均對《東周刊》刊登某女星被強行拍下的裸照一事十分憤怒。阿叻昨日在馬場接受訪問時說：「我嘅睇法同演藝人協會一樣，我知道有人聯絡過受害人，我亦好鼓勵受害人企出嚟面對呢件事。」
問阿叻對《東周刊》負責人處理手法有何意見時，他說：「佢習慣推卸責任㗎啦，唔好話佢乜都唔知呀，唔通《成報》（阿叻是《成報》股東之一）中咗三T，我話唔知情咩？我一直都罷買罷睇呢本雜誌，呢本雜誌直情係不屑一睇呀！重有呀，你哋記住追究呢個人，唔好畀佢走甩呀！」
而阿倫昨日於赤柱出席「齊滅罪、助更生群星魅力展繽紛」活動時則說：「呢個報道係傳媒新聞文化嘅cancer，政府一定要全力整治。不雅同淫褻只係罰款幾千，政府可以考慮扣分制，扣完分就可以唔續牌畀啲周刊。佢哋做啲咁嘅嘢，真係敗壞傳媒嘅身份，重想賴人哋，成間公司同員工都會覺得羞恥。」他續說：「《東周刊》停刊係私人決定，但唔係正確做法，不如行正路重好，停刊反而增加失業率。」
楊受成胞弟楊超成昨日亦有在馬場現身，他表示沒有看過今期《東周刊》，但他知道內容後則說：「咁樣做我都覺得好唔啱。」楊超成表示未有機會聯絡胞兄楊受成，他說：「應該唔關佢事嘅，係都係關編輯部嘅事啦。」他亦透露若有機會與楊受成傾談此事，會勸他出來向公眾作出交代。
採訪、攝影：梁錦雯、卓美娟