踏進謝女士的家，一室堆滿她從街上撿拾回來的家具、電器，大部份物品皆已破破爛爛，惟在謝女士的心目中，每一件都是「寶」。「呢間屋所有嘅嘢，都係我好辛苦咁執番嚟，每一件都經過我悉心修補，先似番個樣，我冇錢買，執到番嚟有得用，我已經好滿足。」謝女士邊說邊向記者逐一介紹每件「寶物」的來源。
四十歲的謝女士，一臉憔悴，全因她不如意的生活所致。她結婚十三載，卻屢遭丈夫虐打，直至去年，她忍無可忍，正式提出離婚，現依靠綜援金，獨力撫養兩名現年六歲及十一歲的子女。「呢段婚姻，帶畀我太大嘅傷害，𠵱家我乜都冇，乜嘢寄望都擺喺一對仔女身上。」
然而，由於經濟拮据，三母子一直活在赤貧線上，生活困苦。「老實講，我哋三仔乸份綜援金，扣咗屋租、雜費、仔女返學嘅使費之後，真係所餘冇幾，所以上年派到公屋，乜嘢家具、電器通通都要執，𠵱家大部份都齊晒，只係未有洗衣機。」
謝女士慨歎，她百病纏身，患有精神病、眼疾及肩周炎，經常藥不離手，每天要用雙手清洗大堆衣服，對她來說，簡直是一種折磨。「自己精神唔好，膊頭同手腕又成日痛，𠵱家重做緊物理治療，好多時扭衫都唔夠力，洗幾件衫褲，足足要搞大半日。」她續謂，由於乏力扭乾衣服，濕𣲷𣲷的衣物往往晾曬幾天也未乾透，以致子女經常被迫穿上未乾透的校服上學，苦不堪言。因此，她十分渴望擁有一部洗衣機，改善生活，你願意慷慨捐助嗎？ 捐款編號：C0732
暖流熱線
電話:29908688
傳真:23702192
電郵:
網址：