黃霑 ：我都認識當事人，我冇睇過張相，但好同意追尋根源，張相係點樣得嚟。香港人都要負部份責任，大家可以唔買㗎。如果係公眾人物就令到大家有興趣睇嘅話，我諗我係梁愛詩就會好驚，希望今次大家借呢個機會反省吓，香港嘅風氣好奇怪，有少少妖獸都市。
陳小春 ：呢件事好邪惡，我支持圈中人聲討，呢件事已去到頂點，冇嘢過份過呢單嘢。邊個睇相話正就要去睇醫生，佢哋有病，總之睇到都唔開心，我希望出年污糟邋遢嘢會離開我同娛樂圈。
張鎧潼 ：我都俾呢本雜誌欺騙過，今次刊登女星裸照做封面，我覺得受害人好可憐，我自己都會杯葛呢本雜誌，佢哋真係好過份，唔通殺咗人全家，講聲對唔住就算咩？
黎明 ：我同大家睇法一致，一向唔睇唔買呢本雜誌，並唔係因為呢件事，而係因為呢本唔係雜誌，佢係攻擊人嘅利器，將人哋嘅血汗錢流入自己袋，佢嘅作風我唔接受。如果個當事人係你家姐、女友，係你親人，你會唔會咁樣公開？件事過咗咁耐，以傷害人謀取金錢，態度同方針會影響成個傳媒。
王晶 ：各界人士都講晒意見啦，我絕對支持，我都有「天地不容」嘅感覺呀。
方中信 ：《東周刊》今次登女星裸照做封面極之唔啱，呢件事如今已經係一件案件嚟，我希望受害人快啲平復心情啦。