馬浚偉（馬仔）早前與嘉碧儀為羅浮宮婚紗店拍了一輯宣傳照，昨日他亦以模特兒身份，往灣仔會展為「羅浮宮非凡魅力婚紗Show」行騷。
馬仔表示心情十分緊張，他說：「今日真係頻頻蝦碌，大會雖然預備咗間私人房畀我換衫，但係我返自己房時，會行經其他女模特兒嘅房，我即時面都紅晒，重即刻蒙住眼急急步行快啲㖭，點知到出場時，緊張心情重未平復，差啲撞倒周汶錡，又要拍檔Rosemary提示我，都幾尷尬㗎。」
馬仔昨日更稱羅浮宮婚紗店是他的長期飯票，他說：「我除咗幫佢哋影相行騷有滿意嘅酬勞外，婚紗店老闆重話無論我結幾多次婚，佢哋都會贊助我着禮服。」
採訪:顏英儀
攝影:陳偉權