今個星期旺角有舖頭做經典DVD大減價！當中好戲例如有史太龍成名作《第一滴血》、獲5個奧斯卡金像獎嘅《獵鹿者》及CESAR最佳女演員獎的《墮落花》等。而且價錢唔貴，絕大部份都係$78隻，多數都係3區或全區碟，包冇語言上嘅隔閡。
售賣點：DIGITALSHOP
今個星期有套新韓劇落場《雙面歌姬》，故事主要是講述風魔萬千歌迷的靚女歌手美娜，在一次交通意外中被毀容；美娜的經理人在一次偶然機會下，竟發現一個和美娜一模一樣樣嘅外賣女水蓮；美娜在全不知情之下，歌星位置由水蓮暫代，並出外整容，回國後，赫然發現自己的歌星位置已由人所代，暗查下更發現水蓮竟是失散多年的孖生姊妹！
全劇最大賣點，當然係韓國性感女歌手蔡貞安轉拍電視劇集，一人分演美娜與水蓮兩個角色啦！一個係大明星，一個係貧窮女，如果你都係哈韓一族，必睇！
發行：年代影視
價錢：$198
筆者最近收到風，老翻場嗰邊都學人出dts試機天碟《DEMONSTRATIONDVD#4》，以老翻咁差嘅質素都學人出試機碟，真係俾佢哋吹脹！最近行開深水埗，畀我搵到隻《DEMONSTRATION6》（$98），試dts就係例牌菜啦！今次隻碟重加咗隻DVDAudio嘅《Queen:TheProphet'sSong》入去，如果屋企部機有DVDAudio功能，就一定要買隻返去試真部機把聲啦！
DVShop
電話：21949100
地址：深水埗福榮街107號地下
有線播開嗰套《愛情白皮書》，今個星期出咗DVDBoxSet；全劇14話共分為5隻DVD碟（片長共980分鐘）。同電視版最唔同之處，係今次DVD版加咗人物特輯、導演介紹、幕後花絮、刪剪片段同NG片段等，另外跟BoxSet重有一條限量版「心之鑰匙」頸鏈同一個300塊的「友情歲月」拼圖，真係幾大手筆喎！
發行：WARNERHOMEVIDEO
價錢：$468（全區）