三十三歲的盧德知，日前在深圳不幸遇害身亡，遺下雙親及六歲稚子。白頭人送黑頭人，兩老悲慟之餘，還要為兒子的殮葬費及孫兒的生活費傷神。蘋果日報慈善基金即時撥款一萬元助他們應急。
自兒子出事後，五十六歲的盧母，眼淚便未曾停過，一雙眼睛哭得又紅又腫。「點解咁冇陰功，點解要攞我個仔條命，我以後點算。」盧母不斷搥着胸口，情緒激動地說。
經常穿梭中、港兩地，任職牛皮膠紙推銷員的盧德知，日前在深圳娛樂場所，因小事與人發生爭執，事後疑遭伏擊，身中多刀當場命喪，遺下七十歲老父、母親及念小一的兒子朗仔，無依無靠。
儘管在別人眼中，德知並非盡善盡美，但在他的父母心目中，卻是一名乖乖仔、孝順兒。「我個仔雖然成日喺大陸，但我同佢阿媽有乜頭暈身㷫，只要講一聲，佢就會即刻返嚟睇我哋，每個月又會畀一、二千蚊我哋做家用，佢本性唔壞，係乖仔嚟嘅，唔知點解會搞成咁。」盧伯緊鎖眉頭歎道。
德知猝逝，不但為父母帶來無限悲痛，亦為他們添上沉重的經濟壓力。由於德知早年與妻子離異，稚子朗仔一直由他撫養，如今他離世，養育朗仔的重任便落在兩老身上。惟這兩位年事漸高的祖父母，卻恐怕有心無力，彷徨不已。
「我哋已經冇咗個仔，唔想再冇埋個孫，但朗仔𠵱家先得六歲，我哋都唔知有冇命湊大佢。」盧伯表示，為了專心照顧孫兒，他已辭去清潔的工作，現一家的生活由同任職清潔工的妻子獨力維持。
奈何盧母收入微薄，月入僅四千五百元，但屋租及各項雜費開支，已佔去她入息的大部份，餬口尚且未足夠，更加難有餘錢應付兒子突如其來的殮葬開支，兩老為此終日愁眉不展。「就算簡簡單單將德知火化，至少都要用一萬幾千，咁多錢我真係攞唔出，我哋喺香港親戚又唔多個，賒借都冇門路啦！」盧母哭訴。
蘋果基金有見盧家的苦況，即時撥款一萬元，助兩老殮葬亡兒及應付短暫生活。
捐款編號：C0729
暖流熱線
電話：29908688
傳真：23702192
電郵：
網址：