噚日理大六十五周年晚宴冠蓋雲集，政府高官如煲呔曾、馬時亨、羅范椒芬，重有王䓪鳴、李鵬飛、鍾士元、何鴻燊、胡應湘等，唔少得理大校友兼行會成員梁振英，超過二千人到場。
其中最受記者歡迎嘅就係哥頓胡應湘，其他人見到記者如見鬼，哥頓就任問唔嬲，有問必答。講到《東周刊》事件，哥頓笑住話自己只有去剪頭髮時先會睇雜誌，所以唔知發生乜嘢事，不過都從善如流講吓感想。講到財赤，哥頓奉勸政府要精打細算，「有錢就食靚牛扒，冇錢咪食漢堡包囉！」
咁加利得稅又點睇？哥頓同賭王何鴻燊，異口同聲話加少少無問題，賭王重大大聲話，有啲認真賺得多錢嘅公司，咪加少少稅囉。
傳真︰2623-9278
電郵︰