就《東周刊》刊登女星裸照一事，香港電影界大表憤怒，昨日召開記者會聲討《東周刊》，多人在會上發言強烈指摘《東周刊》，更有發言者呼籲燒毀該本書。
香港電影工作者總會會長吳思遠激動地表示，從未試過用如此有力、如此嚴峻「天地不容」這四個字去形容一件事。他說，人是有良知的，知識分子讀聖賢書，更加應該清楚甚麼可以做。他表示新聞工作者、傳媒向來受社會大眾信賴、尊敬，但有人居然做出世界上最卑鄙的事，實在令他替香港嘅傳媒、知識分子感到悲哀。
吳思遠說：「我哋香港係咪真係淪落到咁嘅地步，不顧一切，唔理呢位係曾經受過傷害嘅受害人，再一次攞佢出嚟去展覽，就係區區嗰幾分錢，賺多啲錢，係咪錢真係迷失咗你哋嘅良心，所以我哋電影工作者總會感到非常非常嘅憤怒。我希望呢個事件係一個開始，係一個追究責任嘅開始，全香港所有有良知嘅市民去譴責呢個行為嘅開始。」
香港演藝人協會現屆會長梅艷芳緊接表態，她表示當聽到這件事，看到本書時，第一個感覺好心痛，任何有良心的人都不會做出這種事，作為一個女性，她覺這本周刊正在踐踏所有女性的尊嚴。
梅艷芳說：「我喺度呼籲，我希望香港所有婦女界嘅團體，一齊強烈譴責呢一本書，女性勸喻你屋企丈夫、男朋友、兄弟，罷買呢一本書，甚至乎燒咗佢，我覺得睇嘅人都應該洗眼，甚至乎應該洗埋你哋個腦。呢本書係唔應該存在喺呢個世界。」
香港電影導演會會長爾冬陞說：「我代表香港電影導演會二百二十位導演，中國、台灣超過五百位華人導演，呼籲全港有良知嘅男士，唔好再傳閱呢本雜誌、應該燒毀呢本雜誌、喺網上表態譴責呢件事件同停止喺網路上傳閱照片，出力去制止照片繼續流傳。」
劉天蘭以「好多個會嘅永遠榮譽會長及有『正義之星』之稱嘅成龍大哥」來介紹成龍出場，成龍說：「除咗我喺度呼籲大家唔好買呢本書之外，請大家多啲打電話去電台譴責，打去影視處投訴。」
本報記者