陳奕迅前晚與四位身形肥胖的女子拍攝新歌卡拉OK，他擺甫士猶如占士邦，迎接四位女角時他更風度十足。
陳奕迅（Eason）前晚在中環拍攝新歌《KingKong》的卡拉OK，為了配合新歌，唱片公司安排了四位身形肥胖的女角，穿上短裙，打扮性感，露出「甲組腳」。
該四名女角乘車到場時，Eason親自上前逐一扶她們下車，非常有紳士風度。而Eason站在四位女角中，好像電影占士邦一樣，有型有款。
Eason說：「我覺得肥人唔一定冇自信，我嘅身形維持咗七年，都有人話過我肥仔同埋其貌不揚㗎。我覺得每個人其實唔可以太瘦，要適中，應肥則肥。」問Eason覺得女友徐濠縈的身形如何？他說：「我咁啱揀到個瘦嘅，如果佢肥又俾人話佢大肚。我喺個卡拉OK中都有挑逗佢哋（指四位女角）。」
此外，有報道指謝霆鋒妨礙司法公正案要覆核刑期，故明年二月在紅館的十場個唱檔期，由好友Eason取代，霆鋒預計損失約八百萬元歌酬，Eason前晚說：「唔知，我一早講咗明年會開演唱會。」
問Eason是否有八百萬元歌酬？他說：「唔知，錢呢啲嘢要問公司。最緊要係個演唱會點搞，我有好多構思，或者會着裙、穿臍環、着T-back同留長頭髮都未定。」
採訪、攝影：胡比