電盈耗資逾百億發展薄扶林數碼港項目，雖然寫字樓部份已陸續入伙，但好戲仍在後頭。皆因住宅部份計劃明年初正式面世，電盈基建主席李智康近排就馬不停蹄做前期推介工夫。
李生話早前專程去法國搜羅古董家具，放喺示範單位入面，個盤唔只前所未有咁靚，簡直係搬咗個皇宮返嚟。佢重話傳媒好友第日睇見示範單位靚到揼一聲時，千祈唔好尖叫。但係，究竟講緊邊個國家嘅皇宮？就賣個關子嘞！
電盈一眾賣樓高層重猛咁標榜一梯一伙相連戶，李生話呢類單位住戶可以擁有私家電梯大堂，好有privacy。咁即係私隱度高啦，點知李生立即話「私隱」兩個字唔太好，可能同近期敏感嘅「23條」有關，佢話用「私人空間」就較適合喎，認真轉數高。
傳真︰2623-9278
電郵︰