女星多年前被強迫拍下的裸照被雜誌登出，引來全城強烈譴責，不少娛樂圈中人均表現得十分激憤。
盧巧音： 我會支持杯葛行動，因為好過份，咁多年前嘅嘢何必攞嚟講？始終都係女性嚟㗎。
郭羨妮： 登呢啲相唔尊重人哋，冇道德，我都會支持杯葛，因為藝人好無助，有時愈解釋愈衰，最緊要團結一致。
陳慧琳： 我覺得成件事好冇人道，我睇完之後覺得好不安，總之做藝人要小心。
宣萱： 我覺得咁樣登啲相好過份，但事主點做就要自己決定，總之呢啲行為好唔要得。
韓君婷： 我覺得除非警方可以保護到事主嘅私隱，否則事主出來面對，佢將會更難受。