李國章失驚無神請假，大家都以為佢想避開兩大合併呢個燙手山芋，原來有難言之隱，就係佢位英籍太太身體抱恙，李局長惟有急忙陪太太出國求醫。
消息人士同八方講，睇嚟李太身體真係好唔妥。記得六月尾公布李國章做局長前，八方去過佢中大官邸訪問佢，當時李太精神好好；老公講到滔滔不絕，李太就好賢慧咁安排茶點招呼記者，當時李太肯定未知身體有問題。
八方噚日喺理大六十五周年晚宴上，見到中大校長金耀基，佢唔肯透露李太病情，只係話李局長想保留一啲私隱，不過佢就好擔心李國章近排工作咁忙，又要面對咁大壓力。講開李太，金校長話佢係劍橋歷史系嘅高材生，「Averynicelady！」八方希望佢早日康復。
（圖）愛妻情切嘅李國章早排急急請假，陪太太出國求醫。
傳真︰2623-9278
電郵︰