球星Q版公仔，一向是美國NBA同大聯盟職棒專利，不過近期Q版公仔之風已吹向足球界，英超、意甲等聯賽紛紛推出Q版公仔，像真度十足，極具收藏價值。
英超聯係香港最受歡迎聯賽，球星公仔當然亦最受歡迎，今季多支英超球隊，好似阿仙奴、曼聯、愛華頓等都轉了新球衣或新贊助，球星公仔當然亦跟到足啦。
阿仙奴上季包辦英超聯和足總盃冠軍，球會特別推出這套十二位功臣球星公仔，包括已退休的隊長阿當斯、神射手亨利、英格蘭足球先生皮利斯等，全球限量發行2002套，兵工廠擁躉絕對不能錯過。
在九十年代叱咤風雲的意大利班霸AC米蘭，囊括多屆意甲和歐冠盃冠軍，陣中粒粒巨星，雖然現在這批功臣幾乎四散，但總可緬懷一吓昔日光輝歲月。
呢款國際球星公仔連朱古力，好似小朋友鍾意食嘅「XX出奇蛋」，有得食有得玩，盒內有朱古力蛋同一款公仔，共有二十七款身穿國家隊波衫嘅球星公仔如朗拿度、巴迪斯圖達等，抽唔抽得中你嘅偶像，就要考吓運氣嘞。
日本球星一向係香港都有好多擁躉，呢款J-league球星公仔連糖，都係有得食有得玩，有幾粒足球形狀嘅糖外，重有一隻身穿J-league波衫嘅日本國腳三吋公仔，其中最受歡迎一定係已經出國效力嘅中村俊輔同鈴木隆行。
售賣點：A:352大本營 B:球迷世界