有「翻版鄭秀文」之稱的新人趙頌茹（阿Yu），本月中推出處女大碟，同期出碟的新人還有三T之一的Yumiko。阿Yu早前拍攝海報時，更穿上超短褲大騷其四十三吋長腿，搶閘出擊。
紅音樂旗下新人、「翻版鄭秀文」趙頌茹本月中推出處女大碟，早前唱片公司請來曾為陳冠希和陳文媛設計形象的朱祖兒為阿Yu擔任形象顧問，安排她穿上鮮豔的秋裝及超短褲，勁晒其四十三吋修長玉腿。
阿Yu當日在山頂一間空置的政府宿舍拍攝了十二個小時，並先後換上七套新裝，着短褲的阿Yu坐在地上擺了多個甫士，最後又躺在地上擺出一副懶洋洋的姿勢拍攝。阿Yu日前在電話中說：「我喺地下又坐又瞓，淨係呢一part都影咗成兩個鐘，卒之就係我做埋清潔，用個身抹乾淨晒個地下。」對於今次露長腿，她笑說：「我嘅身材一般，腳長係我嘅優點，所以就着短褲，呢次已經係我性感嘅極限。」
本月與阿Yu同期出碟的新人，尚有3T之一的鄭希怡（Yumiko）和組合Shine，阿Yu坦言感到有點擔心，她說：「出碟前我都有啲壓力，因為籌備咗一段時間，又未知成績會點，梗係緊張啦。」
紅音樂發言人Andy日前在電話中說：「我哋幫阿Yu落嘅宣傳費成七位數字，由今日起喺旺角同尖沙嘴掛三塊廣告牌，掛足成個月。」 採訪：朱芷瑩