法國拍MV出事！
Kylie玩複製人玩到癡線

靚女KylieMinogue早排喺法國拍MV嗰陣，忽然話精神崩潰要返澳洲休養，我大口羅拉最近就有機會睇番呢個MV，雖然Kylie唔再好似之前咁賣弄性感，但我反而覺得呢個密實MV幾有新意！

愈行愈多
呢個MV其實係Kylie為佢首新歌《ComeIntoMyWorld》而拍嘅，負責操刀嘅導演MichelGondry曾經同Bj?k以及TheChemicalBrothers等前衞歌手組合合作過，所以絕對有番咁上下功力。
Kylie拍攝期間係咁喺條街度行嚟行去，好似冇乜嘢特別，不過睇番完成品你就會發覺最初只得Kylie一個行，冇幾耐旁邊嘅店舖就會有另一個Kylie彈咗出嚟，再行吓又多一個，最後有成四五個一模一樣嘅複製Kylie一邊行一邊唱歌，十分過癮，肯定可以滿足到鍾意Kylie嘅男fans喇。
另外，Kylie早排幫癌病基金設計咗套杯碟喺網上拍賣，結果叫價已經去到五萬幾港紙，認真犀利。