朱茵自小已幻想做小公主，戴上皇冠在古堡內和王子結婚，她還表示一想起鑽石戒指，就覺得是由男人送給女人的禮物，是愛情見證。男友黃貫中收到未？
朱茵自從和黃貫中拍拖後，便變得惜肉如金，除了拍豐胸廣告外，甚少見到她以性感裝束亮相，最近她接受雜誌《珠光宝氣》訪問，罕有顯出她性感華麗的一面。
女人喜愛飾物，朱茵亦不例外，她在訪問中表示一提起鑽石戒指，就覺得應該是由男人送給心愛女人的禮物。
朱茵說：「每次我經過鑽飾店，都會停低睇一睇鑽石嘅光芒同神采，唔怪得經歷咁多個世紀，鑽石仍然係女人嘅最愛，鑽石唔止係愛情嘅見證，亦係歷史嘅見證。」
除了鑽石，朱茵也很喜歡黃金，她說：「我覺得黃金有一種踏實嘅感覺，加上我身形嬌小同膚色黝黑，感覺上好適合。印度、尼泊爾色彩嘅首飾，又或者比較典雅嘅希臘設計，都係我鍾意嘅款式。」
原來一般成熟女人較鍾情的紅寶石，朱茵亦有研究，她說：「我鍾意有顏色嘅寶石，紅寶石係其中一種，有神秘感，我細個成日幻想可以好似童話故事入面嘅小公主咁，擁有一個皇冠，係用寶石同鑽石造成嘅皇冠，然後喺巍峨山峯上嘅古堡入面，同王子結婚。」朱茵講到出口，不知黃貫中是否識做呢？