黎姿前男友、現任EVI教育主席的龐維新，一直聲稱會於明年初正式舉行婚禮，但前晚其母親出席保良局活動時，大爆兒子在六月時已註冊，媳婦Helena現在更懷有身孕。Helena昨日在電話訪問中表示，即使腹大便便，仍會堅持完成港大課程。
黎姿前男友、EVI教育主席龐維新（Wilson）與未婚妻Helena，一直說將於明年舉行婚禮。
但龐維新母親龐盧淑燕前晚出席保良局在中環鏞記酒家舉行的慈善晚宴記者會時，口快快爆Wilson已於六月註冊，而在港大讀書的媳婦Helena更懷有身孕。
龐盧淑燕前晚突然向記者說：「Wilson其實喺六月已經同Helena註咗冊，佢哋唔係將喜事收收埋埋，係因為我亡母當時病重，佢好想睇到個孫成家立室，Wilson一片孝心，咪將原定喺明年初舉行嘅婚禮提前搞。」
據悉，三十三歲的龐維新在六月筵開十席，招呼雙方親戚朋友。而二十一歲，就讀香港大學三年級的Helena現在更懷有三個月身孕，她昨日在電話訪問中大談懷孕的心情，她說：「我哋係六月註冊嘅，正式婚宴就仍然會喺明年一月舉行。雖然𠵱家有BB，但係我仍然希望可以完成學業。」
問Helena懷有身孕，現在雖未見肚，但至明年初的婚宴，她已腹大便便，婚紗晚裝可能要訂做孕婦裝，她笑說：「到時睇情形先算啦。」至於BB的性別，Helena表示未有照超聲波，她說：「仔女都冇所謂，反正都係自己骨肉。」