協聯估值及拍賣行董事尹志強昨日是最後一次替政府物料供應處舉行拍賣會，因為今後的政府拍賣物品將取消拍賣行分佣制度，改為按時支薪。尹志強批評政府取消佣金制是本末倒置，因為拍賣師能營造氣氛，推高拍賣價，政府既可提高收入，拍賣行也可多賺一些，取消佣金制，會削弱拍賣師推高價錢的動力。
尹志強從事拍賣行業近三十年，自認每次上場主持拍賣「就好似上咗身咁」，這位聲如洪鐘的拍賣師，自詡可以「風靡」競投者的他，原來有三大托價竅門：
1）撩蟋蟀：「搞到佢哋你一口價、我一口價，最後賣到最好價。」
2）扮高人：站在略高的講台上，要令競投者有壓迫感但不會反感。
3）快打慢：「佢要諗三秒，我就只畀佢諗一秒，咁先可迫佢出價。」
他奉勸競投者臨場要冷靜穩守心中競投價，「我見過好多人客因為意氣用事，買貴咗嘢。」