編號2888的渣打集團昨日在港掛牌，每股87元收市，高於招股價3.6%，算有交代。集團一眾高層如主席祈澤林、行政總裁戴維思、財務總監PeterSands及渣打銀行董事王冬勝等，齊齊亮相上市儀式。祈爵士送咗一套五張渣打發行嘅現鈔畀港交所主席李業廣，雖然面值只係1670元，但全部冧把都係「002888」，同渣打嘅上市編號好呼應，身價當然唔同。
港交所則「神秘兮兮」地回贈一個大紙袋，正當記者一臉狐疑之際，上市委員會副主席辛定華出來解畫，謂回禮是一份「豬頭及豬尾」，逗得祈爵士呵呵大笑。
渣打昨日重捐100萬元畀公益金，其實係換取靚冧把嘅善款。
（圖）渣打主席祈澤林（右）將自家發行嘅五款「002888」號鈔票，送畀港交所主席李業廣。
傳真︰2623-9278
電郵︰