白鴿黨主席馬丁李柱銘上星期同羅沃啟飛去花旗國，日日朝七晚十一，由早餐會開始到深夜都講緊「二十三條」，好似錄音機咁，一日不停重複講至少五、六次相同嘅嘢，真係講嗰個唔悶，聽嗰個都想瞓！
但係馬丁似乎樂此不疲，對佢嚟講，外訪演說最慘唔係悶，而係餓同眼瞓！所以佢最鍾意有人長篇大論咁向佢問問題。何解？事關佢老哥要靠演說期間嘅空檔，咬兩啖三文治醫肚；趁有人問嘢，就可以瞌吓對眼！
咁樣好似唔係好尊重啲聽眾喎？唔使驚，事關佢受過專業訓練，即使瞓着咗，只要聽到問題最後幾隻字，都可以對答如流。
傳真︰2623-9278
電郵︰