渣打上晝搞完掛牌儀式，晚上就舉行上市酒會。八方日前講過特首董建華會畀面出席，原來佢同渣打集團主席祈澤林爵士係多年老友。祈爵士話好多年前佢重未做「賓架」時已認識董先生，當時祈爵士喺英國石油（BP）做事，與董的東方海外船公司有生意來往。
特首致辭時都話與祈爵士識咗好耐，重話船務係好難做嘅生意，船公司與油公司有互惠關係，暗喻渣打與本港亦有這種互惠關係。
渣打送咗個鑲有一百大元之紙鎮畀特首，號碼係六個八字，希望為香港帶來好運。講到渣打在港上市，祈爵士話好似一個定咗婚好耐的婚禮，佢好滿意，不過佢亦特別聲明，渣打重有一個老婆喺倫敦交易所。
傳真︰2623-9278
電郵︰