容祖兒口咬士多啤梨的新碟宣傳海報，本來擺放在銅鑼灣活力卡拉OK門外之燈箱內，日前卻被人打破，祖兒之海報不翼而飛，祖兒得悉此事後呼籲歌迷自律，更透露其唱片公司將會為她印製年曆卡送給歌迷。
容祖兒為配合新碟推出，她張開嘴巴咬住士多啤梨的海報，擺放在不少地方，位於銅鑼灣翡翠明珠商場的活力卡拉OK，門外亦有擺放祖兒海報的燈箱。
但大前晚該卡拉OK卻發現燈箱被人打爛，海報不翼而飛，但卡拉OK負責人並沒有報警，只花了近二千元重新裝置燈箱。
昨日記者聯絡上活力卡拉OK負責人Alex，他透過電話說：「係有人打爛咗我哋嘅燈箱，偷咗祖兒嘅海報，呢啲事都好常見，今次係一件小事，我哋冇報警，拿拿臨搞番好個燈箱就算，希望啲fans明白咁做係犯法，我哋會加強保安。」
祖兒昨日接受本報電話訪問，她對此事回應說：「我都知有件咁嘅事，我希望啲歌迷唔好咁衝動，唔好用呢種方法，我知公司幫我用嗰張相整咗張年曆卡，喺啲卡拉OK入面派畀人，希望佢哋循正常途徑攞啦。」
而祖兒新碟銷情理想，銷量已過白金，問她會否獎勵自己？祖兒聞言即笑說：「我想請晒啲公司同事去旅行，因為佢哋由年頭忙到年尾都冇假放，最好可以喺農曆年出發，去一啲低風險嘅地方，好似長洲同澳門咁，因為新聞話香港最安全。」
此外，英皇唱片部經理林偉漢昨日表示祖兒的新碟銷量理想，稍後公司會為她舉行慶祝儀式，林偉漢在電話中說：「祖兒張碟過咗白金，佢首新歌《爭氣》真係好爭氣，連續兩個禮拜都排喺全港電台播放率第一位。」
採訪：朱芷瑩