煲呔曾呢排成日同立法會議員過唔去，又失驚無神教議員點樣開會，查實已經「捽」到班尊貴大帝好㷫，點知煲呔重冇有識死，原本答應喺中環搵地方畀佢哋擴充辦事處；點知行政署署長黃灝玄整封信畀秘書處，話搵唔到地方，因為冇預喺政府總部西翼再畀多啲地方佢哋，又冇諗住再用錢租地方。黃公公重話𠵱家只有十幾個議員嘅助理迫埋喺中環辦公，但佢哋一係未開地區辦事處，一係喺中環附近有其他辦事處，所以叫議員自己調配資源搞掂！
有議員好勞嘈咁對八方話，租地方畀我哋就冇錢，但黃公公又可以喺太子大廈搵到地方畀立法會秘書處咁大細超，究竟當班議員係乜呢？改善行政立法關係，唔係得把口，煲呔真係要諗諗佢！
傳真︰2623-9278
電郵︰