英國權威影音雜誌《WhatHi-FiSOUNDANDVISION》，最近對市面上暢銷套裝影院組合，做了一次全面的功能大比拼，結果SONY最新的DAV-S550，以完全爆燈的分數，奪得了2002年度英國最佳影院組合的頭銜，如果最近你都想整番套5.1影院組合，今日嘅報道，或者可以給予大家最好嘅買機指標。
記者、攝影：朱崇德
剛推了兩個月左右的新一代5.1DVD影院組合SONYDAV-S550，與文中另外數十套市場上最暢銷的影院組合，從音色、外形及功能三方面作全面性的比較；結果DAV-S550在這三方面都取得了5粒星全滿的分數，至於整體評語更是有讚冇彈：「優良的畫面及音質表現，外形美觀，設計介面夠User-friendly及良好的機身規格！」
其實歐洲市場好少玩細機，所以今次DAV-S550在芸芸眾機中獲獎，真係靠部機整體高水準表現所致。全金屬機身真係非常小巧精緻，但5個骰仔衞星喇叭加Sub-woofer嘅總音量輸出，就有成500W之高；再加上專業的CinemaStudioEX影院音響效果（美國荷李活SONYSTUDIO出品電影的音效標準），所以音色洪亮之餘，每個音節表現都非常準確及細緻。
此外，DAV-S550還加入了SONY全新的S-Master數碼擴音技術（相對舊式Analog擴音機，S-Master唔需要咁多散熱片，所以令機身更薄更慳位），行數碼的好處是音色準，而且還達至48khz的高音效，簡直可媲美中、高檔次獨立擴音機的表現，所以對應碟種方面都玩得盡啲，你除咗可以用超高畫質嘅ProgressScan欣賞DVD之外，佢連CD、VCD同超高音質嘅SACD都玩埋！另外，DAV-S550還內置有收音機同外接電視及錄影機功能，功能咁齊備嘅機種，在市場上同級同價嘅選擇真係唔多，相信買咗佢之後有排玩、有排都唔使換機！
SONY查詢熱線：23452966
除咗英國呢部攞獎套裝影院之外，筆者今日重搜羅咗旺角區幾間AV舖Sales嘅心水套裝影院組合，啱唔啱你哋心水，就睇吓佢哋講唔講得服你啦！
推出只有2、3星期嘅ONKYOL-MS50，係早前熱賣嘅L-MS5AX嘅擴音機、DVD機二合一版，唔好睇L-MS50機仔細細，其實佢功能完全冇話減弱到；強勁嘅畫質係來自機身ProgressScan功能，音色方面，基本嘅dts、DolbyDigital、DolbyProLogicII全部玩齊，還在機身內加入了向線性修正電路（VLSC），通過這電路可顯著提高信噪比，從而提高聲音輸出的質量。
機身方面，半吋厚嘅全金屬機身面板非常搶眼，配襯埋全木製26W×5聲道喇叭同60W重低音喇叭，簡直有半發燒級嘅感覺，咁強嘅功能配置同咁Classic嘅設計，難怪一落場就賣斷貨！
香港人買嘢精明就係人都知，想知邊部影院套裝好？嗰部機一定係最好賣！Shinco呢部DVD-A833絕對係近期BestBuy王，出咗兩個零月，就錄得3次斷貨同300幾部嘅銷售紀錄！你話唔得邊有咁多人買！
DVD-A833屬中、高檔次的國產機，單就DVD畫質，就同好多日本機看齊，一樣有ProgressScan的功能！對應碟種亦非常多，AudioCD、MP3、CD-R及CD-RW全部齊，最驚喜係AM/FM收音機及卡拉OK功能都玩埋，相對一般日本同價位新機，好少有功能咁齊全。
機身內置有dts及AC-3雙解功能，可以玩到5.1聲道環迴立體聲效果，跟機配埋成套的木製5.1喇叭，足有900W的音效輸出，音色亦幾實淨。另外有客買機後表示，DVD-A833對一啲電腦燒製嘅影碟對應力特別強，可能呢個亦係大家喜歡佢嘅原因之一。
市面一般DVD影院組合通常都好大部，不過呢套L-DR7機身真係好小巧，真係同部MiniHi-Fi冇乜分別，所以好適合香港人家居環境，就算放喺房做部屋影院組合，一樣好稱職！機身細但功能亦冇縮水，一樣可以畀你享受ProgressScan嘅高清畫質，DVD、VCD、AudioCD、MP3、CD-R同CD-RW嘅多種不同光碟格式全部玩齊；dts、DolbyDigital、DolbyProLogicII當然亦係基本音響制式啦！功能要求佢強就必然㗎啦！不過要機身好似佢咁細咁慳位！真係好難強求！
電話：23801822
地址：旺角花園街75-77號花園大廈4樓403室
電話：23980280
地址：旺角花園街75-77號花園大廈5、6樓
電話：27891665
地址：旺角西洋菜街51號友誠商業中心16字樓