噚日一個研討會，民政事務局局長何志平、蔣麗莉、高志森同馬逢國，大講香港嘅創意工業前景同優勢，何局長嘅言論又幾出位，佢話要搞創意工業，三司十一局會各有各做，重改咗鄧伯伯嘅名句「唔理黑貓白貓，捉到老鼠就係好貓」，佢話：「唔理邊個局，搞得好經濟就係好局！」
何醫生又大講創意工業要「食腦」，要有藝術修養先做得到。轉個頭佢老哥忽然大讚最近有一種創意工業一枝獨秀，就係嗰啲專搵女星做代言人嘅「纖體工業」。吓，咁都得！
其實纖體公司成日被學者批評冇科學根據，又有婦女團體抗議佢哋誤導「一定要瘦先至靚」，八方都係第一次聽到呢個講法，重要係出自何局長口中。
不過睇睇吓，身形富泰嘅何局長其實幾有潛質做纖體公司代言人，唔知有冇纖體公司垂青呢？
（圖）唔知有冇纖體公司有興趣搵何志平做代言人！
傳真︰2623-9278
電郵︰