喜歡響快速公路上飆車嘅朋友，相信最怕就係遇到快相機同埋隱形戰車；講開隱形戰車，相信大家已經知道係邊幾款車，甚麼豐田Camry、富豪S70等等都已經通晒天。最近有探子回報，話有關方面正有意引入新款隱形戰車，消息更指今次嘅目標會係萬事得嘅Mazda6，而且重要係旅行車版兼配備2.3公升偈及手波配搭㖭。據班車評人話部Mazda6嗰台2.3公升偈表現十分出色，加埋套手動波箱就更加突出。若然成事的話，睇嚟當大家響公路上見到部Mazda6旅行車嗰陣，都要揸番慢啲喇！
積架陳列車特價益用家
早輪一場汽車減價風潮，各大代理都各出其謀，以最特惠嘅價錢去吸引用家，就連積架汽車亦唔例外，以極具吸引力嘅價錢，推售全新X-Type2.1V6，銷售成績當然理想啦！不過，優惠重未完喎！事關代理由今日起至星期日，會響灣仔陳列室舉行X-Type陳列車開放日，呢批為數十多部嘅X-Type陳列車，狀態有如新車一樣之外咪數又少，但勝在價錢來得相宜，定能迎合不少用家要求㗎！數量有限售完即止，係啱嘅朋友就要行快步落去Showroom睇睇喇！
早輪一場汽車減價風潮，各大代理都各出其謀，以最特惠嘅價錢去吸引用家，就連積架汽車亦唔例外，以極具吸引力嘅價錢，推售全新X-Type2.1V6，銷售成績當然理想啦！不過，優惠重未完喎！事關代理由今日起至星期日，會響灣仔陳列室舉行X-Type陳列車開放日，呢批為數十多部嘅X-Type陳列車，狀態有如新車一樣之外咪數又少，但勝在價錢來得相宜，定能迎合不少用家要求㗎！數量有限售完即止，係啱嘅朋友就要行快步落去Showroom睇睇喇！