立法會噚日辯論梁耀忠議員提出嘅動議，要求政府促請公共交通機構向殘疾人士提供半價優惠，勾起環境運輸及工務局局長廖秀冬一段傷心往事；「冬姑」話自己喺六五年重係中學生時，曾經做義工教一個失明人士彈琴。
結果呢位「學生」學有所成，同其他失明人士組成合唱團，去三藩市表演，但係當時經費唔夠，成個團十幾人只有一個義工照顧，佢個學生就係咁不幸俾車撞死咗，所以佢一定盡力幫殘疾人士爭取改善交通設施。
連局長都咁講，其他議員如果重話議案干預自由市場，就真係枉作小人；結果議案以大比數通過，列席旁聽嘅失明人士即時開心到大拍手掌！
傳真︰2623-9278
電郵︰