羅文病逝，一眾歌迷同市民都覺得好傷心，好懷念。香港郵政最近就接到部份市民嘅提議，要求以「已故歌星」為題材，發行郵票紀念呢位「一代歌聖」。郵政發言人噚日就同八方講，通常籌備出一套新郵票，都需要一年半載，署方會先將市民嘅建議，交畀郵票諮詢委員會考慮，如果最終決定發行紀念羅文的新郵票，相信最快會喺二○○四年發行。
其實，郵政署過去都出過兩套紀念本港著名影星嘅郵票，第一套喺九五年十一月推出（包括：李小龍、梁醒波、任劍輝和林黛），另一套則係喺舊年四月發行（包括：吳楚帆和白燕、新馬師曾和鄧碧雲、張活游和黃曼梨、麥炳榮和鳳凰女。）
羅文對樂壇同社會嘅貢獻，大家有目共睹，咁睇嚟發行佢嘅郵票，都冇得走雞啦！
傳真︰2623-9278
電郵︰