名牌Hermes前晚於灣仔包氏畫廊舉行展覽會，展出逾百小朋友的作品，其中久未露面的曹廣榮千金曹慧雲和馬詩慧的子女亦有畫作展出。曹慧雲表示專心照顧女兒，不打算執業當律師。
名模馬詩慧（Janet）、前政務司曹廣榮的千金曹慧雲、孫名翠和時裝設計師鄭兆良胞弟鄭兆俊一家三口等前晚往灣仔，出席由Hermes主辦的「CelebrationofHand2002」兒童繪畫展覽，參觀子女的畫作。
曹慧雲與丈夫郭琳廣、女兒郭展容和郭展陶到場，曹慧雲中一起赴英念書，在彼邦完成法律學位課程。八四年回港，曾先後從事貿易及公關工作；後加入《號外》雜誌做傳媒推廣，再轉當女性雜誌《錢瑪莉》主編。
曹慧雲與丈夫郭琳廣在九二年相識，九四年結婚，近年她曾赴北京攻讀法律課程。前晚她說：「讀完晒，不過唔會執業做律師，學習都係一個好好過程，𠵱家湊女都好忙。」曹慧雲更透露一對女兒曾拍廣告做小童星，但因太辛苦難於兼顧學業，已停止接拍廣告。
曹慧雲直言兩女兒均有創作天份，長女創作量驚人，她說：「大女讀幼稚園時，一日最少畫二十張畫，我幫佢儲起啲靚畫都有一大叠。我覺得佢學畫之後觀察力好咗，畫畫嘅人物、景物都比例好好。」
而Janet單獨到場，她透露女兒及兩歲兒子均有作品展出，兒子王躍穎的作品名為「inspiration（啓發）」，她說：「我兩個女都冇學畫，反而細仔就畀佢學。因為學畫幫助佢嘅創作能力，又可以當作係宣洩情緒嘅一個途徑。」
Janet續說：「我間中都有陪佢畫親子畫，不過男仔冇乜耐性，求其兩筆畫一個圈就算數。」Janet又表示發覺兒子的音樂天份比繪畫創作天份更高，她說：「佢節奏感幾強，最鍾意貓王嘅歌，一聽就搖頭跟住跳。」