噚日廣東社團總會邀請保安局局長葉劉淑儀去座談會，力挺「二十三條」，會上卻不乏有趣鏡頭，例如連葉劉個名都有人搞錯，幾個問問題嘅人，都大大聲讚「劉局長」。雖然「劉」係佢娘家本姓，但葉劉一向都係被稱作「葉局長」，八方起初都諗咗好耐，劉局長究竟係邊個？
另一個發問者話，葉劉噚晚係去做「輔導報告」，佢聽咗對「二十三條」真係「一百個擁護，一百個支持」，不過發言嘅人隨即提出疑問，話如果自己一向有同外國社團聯繫，會否有觸犯「二十三條」嘅危機？又有人驚同自己做開生意嘅台商，如果飲醉酒亂講政治敏感嘅嘢，自己會唔會犯知情不報。八方其實都幾佩服廣東社團人士嘅忠心，明明對條例有疑問，連葉劉嘅答案都未聽，已經急急表態話支持。
傳真︰2623-9278
電郵︰