陳冠希（Edison）和陳文媛（BoBo）的緋聞傳個不停，他們前晚在港台萬聖節活動中同台，二人顯得十分避忌，還企得離行離列。Edison台上偷望BoBo，但BoBo則只顧和其他人談話，兩人始終沒有眼神交流。
陳冠希、陳文媛、英皇三T之一鄭希怡（Yumiko）和四人組合EO2等，前晚在高山劇場出席港台「萬勝萬勝萬聖節」活動。
Edison和BoBo的緋聞一直傳個沒完，近日雖盛傳二人分手，但始終撲朔迷離。Edison前晚以特別嘉賓身份出現，他在台上偶有偷望BoBo，但他們始終沒有傾談和眼神交流，就算大合照時，Edison和BoBo都企得離行離列。
當司儀請Edison選出誰的造型最突出，陳淑蘭（蘭子）竟大嗌BoBo的名字，現場氣氛一度很尷尬，BoBo在台上則只顧和港台DJ梁奕倫聊天。活動後，Edison未有接受訪問便離開。
問BoBo為何對Edison視而不見，BoBo說：「唔好咁敏感，成日都講，唔通人哋（指梁奕倫）同我傾偈唔傾咩？而且我係嚟做嘢唔係掛住傾偈。」究竟Edison和BoBo現階段的關係如何，她說：「我哋冇避忌，係咪你哋（指記者）特別留意先覺避忌？有啲好朋友半年先聯絡一次，唔需要成日聯絡。」
另外，有「龍嫂」之稱的Yumiko，近日每當有成龍出現的場合都不見她，Yumiko說：「唔係，咁啱有嘢做啫，我唔鍾意人哋叫我『龍嫂』，最好唔好咁叫，成龍都冇我電話。我唔介意男友年紀大過我，但結咗婚嘅就唔好，我一定唔做第三者。」
採訪：胡比
攝影：仇志德