張衞健： 𠵱家啲傳媒真係進入白熱化，好驚，報紙都還好，雜誌啲立場冇晒。
陳啟泰： 我睇過本雜誌，係抄舊料，不過明顯認到係某人。我覺得登某人張相好無良，藝人嘅私隱權唔夠，咁樣做亦冇法律責任，我奉勸啲人要諗清楚先好入行。
陳小春： 好彩個封面有「娛圈悲劇」呢四個字，絕對係悲劇，唔明有乜出發點令張相曝光。
萬綺雯： 件事應發生咗好耐，重攞番嚟講，咁做法唔係幾好。如果為銷路，以多人睇為原則，唔寫真同假，冇人理真相。相中個女仔，都係我認識嘅人。
司馬燕： 知道係邊個都唔講啦，咁耐重攞番出嚟，無聊！發生件咁嘅事，一定有前因後果，𠵱家重摷番出嚟，對雙方都冇利益。
Rosemary媽咪Julie： 字母小姐件事發生時，Rosemary啱啱入行，我都有啲擔心。我重聽過有女星俾人落藥強姦㖭，真係好誇張。