不要以為慶祝萬聖節，必定要走上蘭桂坊街頭扮鬼扮馬，再到西餐廳，食「血手指」這類賣相嚇人的食物。其實走入家中廚房，也可以利用外貌極富節日色彩的南瓜，煮出兩餸一湯的豐富萬聖節中餐，夠應節之餘，南瓜肉的營養價值又高，最啱小朋友食用。今次請來一班小嘩鬼試食，且看他們最愛吃的又是哪一道餸？
記者：周麗懿
攝影：林栢鈞
示範：豪苑魚翅海鮮酒家梁洪師傅
電話：23138788
服裝提供：ROSE
電話：27429818
菠蘿炒飯就食得多，今回換上了南瓜，再加入了西餐元素──煙三文魚和煙肉，中西合璧的配搭，味道出奇地協調。其實這味炒飯煮法一點也不繁複，簡單的材料就已經可以令一眾小嘩鬼食到呱呱嘈，飯送到口還未吞下，就已經大叫好味，不停將南瓜飯往口裏送。各位媽咪，若然為小朋友不肯吃飯而煩惱，是時候整番一味南瓜三文魚炒飯了。
材料：
南瓜 1個
煙三文魚 1両
煙肉 1両
南瓜粒 11/2両
雞蛋 2隻
白飯 8両
葱粒 5錢
紅蘿蔔粒 少許
雞粉 1/3茶匙
鹽 1/4茶匙
小貼士
炒飯的秘訣之一，係人都知要用冷飯或者隔夜飯，咁樣先至夠乾身，兼飯粒內仍隱藏着水份，一炒起來外表金黃鬆脆，入口夠鬆軟。不過若心血來潮想整碟靚炒飯的話，就無可避免要用新鮮飯來炒。其實用新鮮飯炒亦無不可，只要注意煲飯時不要落太多水，因為飯太「爛」的話，就點炒都唔會好食！
俊巫師蘇迪勤：炒飯好食，除咗綠色嗰啲嘢（葱粒），重有個南瓜樣好鬼得意
除了炒之外，蒸、燉、燜等煮法，都可與南瓜配合，這一道南瓜燜魚便是一例。師傅洪哥說，燜魚可選擇石斑，或今次選用的黃鱲䱽，貪其肉質夠爽甜，而且價錢不算貴，每條約$30。
材料：
南瓜肉 10両
黃鱲䱽 1條（約12両）
豆醬 1茶匙
薑 3片
蒜茸 少許
雞粉 1/2茶匙
鹽 少許
生抽 1茶匙
糖 少許
做法：
1﹒將南瓜切角備用，將黃鱲䱽魚洗乾淨後，落油炸至五成熟，撈起備用。
2﹒將豆醬、薑片、蒜茸落鑊爆香，然後將南瓜落鑊，加入2碗水燜，加入鹽、生抽和糖等調味後，再將魚放下一齊燜約5分鐘。燜至南瓜熟透後，再加入少許生粉加水打芡汁便可。
牛魔王陳杰翀：魚肉好甜，不過就麻麻哋鍾意食南瓜，望落去重以為係紅蘿蔔㖭！
南瓜肉香甜，除了燜魚炒飯，用來製作羹湯類，賣相和味道也相當不俗。這一味雞茸南瓜羹，材料只需要南瓜和雞胸肉，製法簡單，而且雞茸和南瓜茸混在一起，配合糊狀的羹，煙煙韌韌的口感更是一流。
材料：
南瓜 8両
雞胸肉 2両
雞湯 1碗
水 1碗
雞粉 少許
鹽 少許
生粉 少許
做法：
1﹒先將南瓜蒸熟，將南瓜壓成茸。將雞胸肉攪爛成茸，加入水及少許生粉，將雞茸落鑊。
2﹒將雞湯、水及南瓜茸加入鑊中，放入少許胡椒粉、雞粉及鹽。煮滾後加入生粉及水後再煮，呈糊狀後便可上碟。
俏女巫龔杏明：平時最鍾意飲魚湯，不過呢個湯淡咗少少。