滙豐前晚搞咗個有史以來規模最大之party，在會展筵開六十席，送別Dicky葉迪奇。Dicky唔係退休，而係北上做中國業務主管。呢位在滙豐有數之華人高層，雖然係工作狂，出咗名唔使瞓覺，不過人緣好好，所以個party有成七百人嚟。
滙豐總經理柯清輝送咗套高爾夫球桿畀Dicky，並相約一年之後再落場較量。原來Dicky有三樣「運動」最拿手：揸飛機、打麻雀、打高爾夫。
呢個party其實係賀佢履新多過送佢走，所以全無愁緒；好多人都話Dicky保養得好，同八四年做十大傑青時，個樣都差不多；亦有人話佢去咗上海之後如釋重負，因為唔使再陪佢遊飛機河！
（圖）葉迪奇出任滙豐中國業務主管，可以大展拳腳。 資料圖片
傳真︰2623-9278
電郵︰