五十五歲的志叔，近月失業後經濟陷困，靠輪候慈善團體免費派發的飯菜果腹，每晚在街頭露宿，目前身上只有不足十元，境況堪憐。
「我靠社工轉介，至可以暫時每日兩餐去慈善團體『仁愛之家』食免費飯，另外每晚喺政府球場嘅觀眾看台打地鋪。我估唔到生活變得咁艱難，最衰都係因為失業無嘢做！」志叔皺着眉歎喟。
志叔原任職地盤工人，是家中經濟支柱，育有兩名現年分別十一及十三歲子女。可是這幾年本港市道持續欠佳，建築業成為失業重災區，志叔自三年前無法再從事地盤工作，惟有轉做茶餐廳外賣兼職侍應，收入大減；近月更因茶餐廳結業，令志叔生活頓陷困境。
「我做送外賣，以時薪計算，每個月只得二、三千蚊人工，好難負擔一家四口生計，每個月食用都好緊。點知八月份我返咗幾日工，間茶餐廳就突然執笠，之後我一直搵唔到工，搞到𠵱家連開飯都無錢，細仔呢兩日腸胃唔舒服入院留醫，我亦無能力畀醫藥費！」志叔的妻兒因未獲發單程證，尚在鄉間生活；妻子近月覓得玩具廠女工一職，才得以幫補家計。
社工現正跟進志叔的個案，有見志叔經濟緊絀，申領綜援需時及正待當局審核，蘋果日報慈善基金即時撥款二千元，助志叔應付短暫生活急需，度過難關。
捐款編號：C0727
暖流熱線
電話：29908688
傳真：23702192
電郵：
網址：