電訊盈科一浪接一浪嘅「瘦身」行動，令好多員工都冇晒心機，成日擔心飯碗不保。呢個星期日係電盈運動日，好多員工都估緊主席李澤楷到時會唔會出現？
據資深員工同八方講，電盈每年都會搞一次公司運動會，在香港電訊時代，當時嘅行政總裁張永霖每次都出席；但合併之後，情況就完全唔同。去年運動會喺十二月三日舉行，當日李澤楷話病冇現身，點知兩日之後電盈就一口氣炒咗五百零六人。
一年又過去嘞，李澤楷唔知佢好唔好意思出席員工嘅聯誼活動。如果佢出現，分分鐘會俾員工噓；但唔出現，嘩，好驚好驚啫。
傳真︰2623-9278
電郵︰