謝霆鋒今年頭頭碰着黑，英皇本預定他在明年二月小休後，為他在紅館舉行至少十場演唱會，替霆鋒復出打響頭炮，豈料霆鋒突然面臨覆核刑期，其個唱檔期遂由陳奕迅頂上，料霆鋒會因此損失近八百萬歌酬。
謝霆鋒現時官非纏身，他涉及的「頂包案」須覆核刑期，可能隨時入獄，霆鋒在工作安排上難免大受影響。英皇娛樂本計劃明年二月在紅館為霆鋒舉行最少十場個人演唱會，但近期英皇已決定取消霆鋒個唱，改由霆鋒老友陳奕迅（Eason）取代其檔期。
霆鋒前年曾在紅館舉行一連七場的演唱會，早於大半年前，英皇已向紅館入紙，為霆鋒申請超過十二日的檔期，若霆鋒毋須覆核刑期，照原定計劃小休後，明年二月的個唱便可作為其復出的頭炮。惜人算不如天算，覆核刑期打亂了霆鋒開個唱的陣腳，由於籌備演唱會需時，亦需聯絡贊助商，所以英皇高層商議後，已決改由Eason頂替，霆鋒卻因此損失了接近八百萬元的歌酬。
昨日記者致電英皇娛樂演唱會部負責人Alex，他在電話中說：「我哋今年初開三周年記者會時，已經宣布咗霆鋒、Eason同容祖兒會喺明年開個唱。霆鋒因為預咗要放假，我哋開會之後，𠵱家計劃係同原先有啲轉變，Eason隔咗成年幾冇開演唱會，佢舊年同今年嘅成績都好好，所以我哋覺得佢喺情人節開個唱都係一個好嘅時機。」
另外，謝霆鋒今天要為兩宗超速駕駛案再次上庭，事緣今年五月十六日，霆鋒駕着其Audi房車，以時速一百三十三公里在葵青公路上超速駕駛，超過法定八十公里之規定。而同月二十七日，霆鋒駕法拉利再於西九龍公路超速駕駛，兩案將於今日一併假荃灣裁判法院審訊。
昨日本報記者致電律師謝偉俊，他在電話中說：「霆鋒上庭罰錢機會大啲，但佢第一單超速咁多，可能會扣成十分，如果佢先前俾人扣過五分以上，多過十五分就會被停牌。」
採訪：朱芷瑩