早排有日本小報指二十一歲嘅安達祐實同四十一歲嘅男優黑田Arthur假拍拖，話黑田哥借安達妹做煙幕，掩飾自己嘅同志身份。不過，佢哋雖然冇俾人偷拍到拍拖，但佢哋成日都喺各自各出現公開場合時，聲言大家拍拖幾開心。黑田哥前日出席日本藝人嘅高爾夫球賽時，亦好口咁話早排同安達喺原宿手拖手拍拖，大晒幸福。