對於《綜合人文科》第二次諮詢文件刪除「愛情」環節，不少已成為「老餅」的過來人都覺得可惜。
立 場： 「學生唔會冇緣冇故搵老師傾愛情，老師難得有呢個機會講，可藉此將正確態度灌輸畀學生，放棄呢個課題，對學生冇好處。」
想當年： 「我讀書時代好老餅，談戀愛都要見家長；遇到心儀女同學只想多啲接觸，少年嘅感情好朦朧，係荳芽夢。」
立 場： 「戀愛人人都要談，係成熟必經過程；唔講嘅話，到犯錯時就會付出好大代價，有啲人被深愛嘅異性否定覺得好傷，就會割脈跳樓。」
想當年： 「拍拖時個人好麻木，失戀可以令人重新發現自己，好感激以前拋棄我嘅女朋友，令我清醒番。」
立 場： 「唔單只講愛情，重要講埋性！呢啲係生命中最重要環節，影響人一生；如果唔講，（青少年）由朝諗到晚都諗唔掂性、愛情問題，影響生產力。」
想當年： 「細個時學校梗係無教啦，想知就自己睇書。」