特區政府重視環保，房屋署都不甘後人，聯同綠色力量、地球之友同長春社舉辦「環保物業管理大獎」，喺屋邨推廣環保。綠色力量總幹事文志森比賽前教路：點樣可以減少室內致癌嘅揮發性有機化合物（VOCs）？原來擺放室內植物可以吸到部份「毒氣」，其中以紅掌同波士頓藤吸力最強。
呢個比賽將會由百幾個房署管理嘅屋邨，同七十幾個外判管理嘅屋邨分兩個組別角逐大獎。文志森覺得私人管理嘅屋邨，調配資源較有彈性，房署應該學習吓。房署亦急急表示有做嘢，例如有清潔承辦商冇按規定將空膠樽回收，房署為咗杜絕呢個漏洞，十月一日起已經派管理員監察每次回收嘅過程。
﹙圖﹚迷你紅掌
傳真︰2623-9278
電郵︰