蒙嘉慧和鄧一君日前到廣西為無綫拍攝電視劇《衛斯理》的外景，沒料到昨日竟發生車禍，整部外景車翻側，車上演員及工作人員均告受傷，即時被送往醫院救治。
本報接獲消息，目前身在廣西拍攝無綫電視劇《衛斯理》的蒙嘉慧和鄧一君，昨日上午十時許乘外景車前往拍攝場地時，遇上交通意外，整部外景車翻側，車上演員和工作人員均告受傷，即時被送院治療。
記者昨日致電蒙嘉慧和鄧一君的經理人Bennette了解，Bennette說：「YoYo（蒙嘉慧）十二點幾打電話畀我，話我知佢𠵱家喺醫院，原來佢哋上晝出發拍外景時撞車，成部車翻轉，好彩冇乜大礙，所以即刻第一時間打電話同我報平安。」
問其他演員如羅嘉良事發時是否在車上時，Bennette表示不大清楚，他說：「YoYo打電話畀我嘅時候，啱啱喺醫院，情況好混亂，佢只係同我講咗幾句後就收咗線。不過，據我所知，鄧一君都喺車上面，佢俾玻璃插傷，但敷藥後應該冇乜大礙。」
無綫外事部助理總監曾醒明昨在電話中說：「外景隊今日上晝係發生車禍，但當時車上只得兩位演員，分別係蒙嘉慧同鄧一君，其餘重有幾位工作人員，據知大家傷勢唔太嚴重。」
採訪：戴彩煥