警隊一哥曾蔭培噚日特別到西貢大廟灣為兩艘新水警輪主持啟用儀式，有近百名人士出席觀禮，八方同一眾行家當然亦冇走雞啦。一哥致辭時話，好開心見到咁多女士們出席！
點解？佢話原來喺以前有個古老習俗，凡係新船下水，都唔會畀女士們參加，佢雖然冇詳細解說由來，不過就形容呢個禁忌好唔合潮流，佢完全接受唔到。
雖然一哥有如此新潮嘅想法，但佢其實對一啲傳統習俗都好尊重，噚日除咗切晒燒豬外，兩艘新船重喺海上行咗三個「8」字。據講，咁嘅儀式係代表向天后娘娘拜三拜，以求順風順水咁話。
﹙圖﹚兩艘新水警輪噚日正式啟用，一哥做足晒傳統習俗，又切燒豬又拜天后。 黃創賢攝
傳真︰2623-9278
電郵︰